{رواية}لـآ نـَطِــق إلــساآآنــي بــ {ميثـه} .،، نآظــِرتْ عيــُونــي لِــ{شمــَه}...

السلام عليكم ...
حبيت اطرح روايــه ..

لـآ نـَطِــق إلــساآآنــي بــ {ميثـه} .،، نآظــِرتْ عيــُونــي لِــ{شمــَه} بقلم / الميث

. . . . .

البارت الاول
في المانيا
… ..

زايد: لا ،، لا ،، ميثووووووووووووووووووه ..لااااا دخليييييييييييج لااااااااا .. لاتسوين جيي

سيف: بسم الله عليك ..زايد قوم قوم ..

زايد: هااه… شو السالفه شو صاير ؟؟

سيف: ماشي كنت تحلم .. منو هاي ميثه ؟

زايد: والله اني مااعرف ،، الحينه من ثلاث ايام احلمها ،،

سيف: علينا زيوود

زايد: وربي مااعرفها ،، اروحي ابي اعرف شو الي يابها في مخي ،، والله انه الحلم يخوف

سيف: شو حلمت ؟

زايد: حلمت انه ،،في وحده شعرها اسود طويل بس ويها مب مبين عدل وكانت ميوده مسدس وتصيح ..

سيف: هذا حلم ولا فلم رعب .؟

زايد: هههههههه .. شب شب انته حد يقولك شي … المهم خلنا من هالسالفه ،، الحينه الساعه كم ؟

سيف: والله الساعه الحينه بتوقيت المانيا وبتحديد النمسا ،، هو كالتالي الساعه 8 : 30 صباحاً

زايد:هههههه والله يبالك اتروح مال الاخبار تنفع ،،،

سيف: تهبي يالخايس جي شو قالولك .. ماشي شغله.. انزين يلا قوم تلبس وخذ دوش عشان نروح الكليه

زايد: ياااخي والله اشتقت حق الاهل

سيف: وانا اكثر منك .. يالله ماباقي الا سنه وتعدي ع خير ان شاااء الله وانعررررس

زايد: هي هي خلك انته ،،، الله يعيييييييييييين فطيييم علييك

سيف: ااااااااخ ياااااقلبيي .. اسكت عني احسن لك

زايد: ههههههههه ،، والله ماشي شغله حب ماحب .. احسلي ايلس فبيت ابويه بليا عوار راس

سيف: اقول لايكثر بس

زايد(فلعه بالمخده) : معه زاتك انزيييين

سيف: والله قدها يالهررم

زايد: هههههههه،،، قدها ونصصص …

وبعدين راح سيف وشل المخده وتمو يتفالعون ،، وزايد طلع يركض برى في الممررات الكامبس ( مبنى الطلبه) ,, وهو في المرر جاف بنت ياهل تخبلللل حتى من حلاتها وقف وفج حلجه .. وسيف دعم فيه

سيف: اعوذ بالله شو فيك

زايد: ماااااااشااااء الله عليهااااا،، تجنن

سيف: وين ؟ منو؟

زايد: هاي البنت ..

سيف: يااااوييييييييييل حاااااااااالي … ماااشااء الله عليهااااااا

زايد: الا اروح اكلمها ،،

سيف: انته ايه يالملقوف ،، (ومطه من شعره ) ههههههههههه

زايد: اااااااااآآآآآي … يااحيوان … والله تنضرب

ياي يضربه وسمع الياهل تضحك عليهم ،، ولفو صوبها هم الاثنين وراحو لها ،، هي كانت واقف عند الباب ويوم جافتهم ياين صوبها ،،اونها انخشت ورى الباب ،، وزايد راح صوب الباب وكان يرمسها انجليزي يتحراها المانيه ..

زايد: hi how are you ?

الياهل: ……( ماتعرف شو السالفه )

سيف: ايه شكلها مافهمت عليك ..

زايد: تترمسين عربي

الياهل: هههههههه،، ليث تثول تترمثين

زايد: يااااويييييييل حاااآآلي اناااآآ ،،

… ..: عوااااااشي تعااآآلي هنييي وينن ساااآآيره برى ؟

زايد: هذااآ بابتج؟

عايشه: هي .. انا بثير ،، انتو ثيرو درثوو ماعليكم دراثه

زايد: هههههه لا يااآآ حياتي علينا ..

وبعد شوي واحد طلع برئ …

… .: انتي وينج يالدبه من الصبح ازقرج

عايشه: تلا هاييله ذقلووني ..

زايد:هههههههه ،، يااآلوتيه انتي

سيف: هههههه،، اسمحلنا اخويه جان غثيناكم..

… .: الا لا .. حشى لا مغثه ولا شي .. بلعكس انا مااصدق حد من البلاد ،، وياكم حمد ال *****

زايد: يامرحبا بك زوود والله ،، وانا زايد ال **** وهذا ولد خالتيه سيف …

سيف: تشرفنا والله

حمد: وانا اكثر ،، شكلم من داري العين صح ؟

زايد: ونعم والله ،، هي من دار الزين ،،

حمد: يامرحبابكم والله .. عيل تفضلو جي واقفين برئ ،، ولا عليكم كلاسات ؟

سيف: هي والله .. بس مشكور ماتقصر من طيب اصلك ..

حمد: افااآآ قلنا بنتعرف عليكم ..

زايد: افاآ عليك بوعوآشي ماطلبت .. شو رايك نتلقى عند كوفي كوستى الساعه 12 ونص بنقعد بندردش

عايشه: انته اييه بووولاااس .. ثوو بعد بو عواثي عييب لاتقول اثميي بذلبك تلا

حمد: هههههههههههههههههااآآي دوااك

زايد: ههههههههههه،، فديت هالرمسه اناآ


عايشه: ايييه باباتي تالع هذا ..

حمد: هههههههههه،، انزين شو قالج الريال الحينه …خلاص عيل تم ماابا اخركم

زايد: يعني الساعه 12 ونص

حمد: تم ماطلبت شي ..

سيف: تسلم والله ..

حمد: ربي يسلمكم ويحفضكم ..

وبعدين راحو شقتهم وزايد متخبل عليها هو وسيف .. وبعد ماخذ زايد شوور على السريع اتلبسو اتريقو وراح على الكليه ..

… …………….

في العيـــن ..

شمه: مسييينااآآآااااااااااااااا،،،، وصمممممممممخخخ ان شاااآآآآء الله
ام حميد: خير خير شعندج يالسه اتصارخين على الحرمه خليها تشتغل
شمه: اماااااايه جوووووفي حرقت عباااايتيه
ام حميد: هاللزعيج كله اخر شي. عباتج محترقه ،، يبوج فدووه
شمه: اهااااآآآآء
ام حميد: ويديييي.. اشووو هذا بعد وين العصآ عنج وينن ؟؟
شمه: ههههههههه،، فديتج امايه اسولف ،، بسير اخذ عباه من عند فطيم

وقبل لاتسير حبت امها فوق راسها وخطفت ،، ويوم دشت حجرت فطيم لقتها منسدحه عالشبريه ومسكره اليتات وقاعده تلعب في شعرها ومشغله لحن بيااآآنو ،،وسرحااانه في عاللم ثااآآني ،،بعدين راحت شمه وانسدحت عدااآآلها ،،

شمه: هي وبعدين ؟؟
فطيم: اووووفيييييه .. يعلني بلا ذ الوجه ،، انتي شو ماتخلين الواحد يسرح
شمه: علينا علينا.. جني مااعرفج الحينه ،، ادريبج محد في بالج غير سيفووه
فطيم(مستحيه): هههههههه.. شب شب
شمه: هههههه،، شعليج بنت حميدوووه
فطيم: ايييه اصطلبي
شمه: خخخخخخخخ
فطيم: انتي متى بتغدين رقيقه
شمه: لا فديتج خلي الرقه لج هب محتايتنها
فطيم: هههههه،، شمووووه
شمه: ويعوووووه
فطيم(تتطالعها بنظرات)…
شمه: اعوذ بالله .. ها امري شو بغيتي
فطيم: مااصدق انه هذي اخر سنه وبيرجعوون
شمه: انزين لاتخافين ترا بعدهم لازم يشتغلون او بالاحرا لازم تشتغل…. وي وي وي
فطيم: يالذكيه لاتنسين انه ابوه عنده شركه وبيشتغلون هناك لين مايحصلون وظيفه
شمه: وانتي منو خبرج ان شااء الله ..
فطيم: اعرف اعرف .. ااااخ بسسس
شمه: يالمستخفه انتي ،،
فطيم: متى بلبس الابيض ؟
شمه: يوم بتغدين عيوز .. بعدين تعالي انتي من زينج غاديه صفره لاتاكلين ولا شي
فطيم: انزين شو اسوي يعني ،،
شمه: ترا اذا جافج جذا والله بيذبحج ،، انتي تعرفينه انه موصيني عليج وقايلي خليها تتغذى وتاكل وتتهتم بعمرها (كانت قاعده تقلده )
فطيم: اول شي انا اكل .. وثاني شي لا تعايبين يالدبببه
شمه: صحييييح صحيييح مبين الاكل ،، ان ماخبرت عليج صبري عليه
فطيم: شمووووه عاااد ( وتسوي بويها شرات اليهال )
شمه: اقول حركاتج هاي مب عليه انا ،،
فطيم: ههههههه حيواانه وحده
شمه: المهم سمعي ،، ابا عبايه الخدامه حرقت عباتي اهااااااااء اهييييئ …
فطيم : انا اموووت واعرف انتي من وين الطلعين هالاصوات
شمه: من حنجرتي بعد من وين
فطيم: اشك الصراحه .. واي عباه احترقت ليكون مال و M AND A
شمه: اااخ يااقلبي لاتذكريني
فطيم: هههههههههههههههاااااااي احسسسسسن واخيرررا جنه ماعندج الا هالعباه
شمهمعصبه) ايييييييييه يالدببببببببه .. بدوووووسج واللله
فطيم:هههههههههههههه
شمه: جاااب ماايضحك (وقربت صوبها )
فطيم: واااابووكم الشرده

عقب تمت شمه تلحق فطيم وفطيم ميته من الضحك ماتروم تربع ،، يالسين ياحاوطون في البيت وبعدين راحو صوب المطبخ وكانو هناك شلت شباب قاعدين مورين النار وواحد ميود عود وقاعد يعزف والبقايه يغنون وفطيم كانت تربع صوبهم ،.

فطيم:ههههههههههههههههه
شمه: فطووووم يالشللقه والله لذبحج
فطيم(تشهق)
شمه: شووو شووو بلاااج ؟؟؟!!
فطيم: ابويه مااعرفج انا توهقي اروحج
شمه: الله ياااخذ ابليس والله ياااذبحنااا سااالم اليووم
فطيم: اييييه جووفي منو هنااك
شمه: منووووو؟
فطيم: مالومج هب لابسه النظاره
شمه: فطومم عادد والله ليرج من كندورتج الحينه
فطيم: والله انج تسوينها …هههههههه .. كح كح حمدان
شمه:هااااااااااه!!
قطيم: الحينه هاه ..
شمه: ااااآآآخ ياقلبيييييييي ،، متئ يااآآ من قطررر ،،، ياآآآلبىى هل قطر كلهم
فطيم: سلوووووووم
شمه: ايييه لا لا لا .. خلااااص
فطيم: هههههههههههههههه… انزين قومي اشتلي من هني والله لو جافنه سالم ولا سعيد بيقصبونا اليوم
شمه: هههههههههههه…. هي والله يلا طوفي جدامي لا اخبر عليج سيفوه
فطيم:لا تقوولين سيفوه
شمه: انننننننه ع كيفييييييييي
فطيم: شب يلا شب

بعدين راحو داخل ،،وحمدان انتبه لشمه وضحك على حركاتها بس محد انتبه عليهم غيره كانو الشباب مرتبشين وكان سعيد يعزف على العود والباقيه يغنون اغنيه ميحد الكـــوس ..

‎يـا هـبـوب الـكـوس لمطـلـي
‎لـي عنيـت او يـيـت لـديـاري

‎بـلــغ امــابــي انــــا لـخـلــي
‎يلي خفى عن شوف لنظاري

‎بــات دمـــع الـعـيـن ينـهـلـي
‎مـثـل سـيـل مـنـحـدر يـــاري

‎مـن صوابـي الحـال منحـلـي
‎اوفي حشايـة اشعلـت نـاري

‎لــي جــداه اشـراعـي امـلـي
‎دابـــر ابـدسـتــور خــمــاري



‎حمد : يااااااالبييييييه يااامييييحد،، اييييه والله وايااام الاستيشن اخخ والله فواادي عورني عليه
‎سعيد : الحينه تتخبر عنه .. بعد اشووه والله انه رهيييب شو كانن البنات يتخبلن علييه
‎حمد : هييييي والله بصييييييح
‎سالم : ههههههههههه خل عنك هالرمسه تراك مابغيته يوم بن حموده عطاك المرسدس
‎حمد : هههههههههه
‎حمدان : هي والله اتذكر ،، الهرم ياي يخق علينا …
‎سعيد : هي هااء .. عااد العين قبل اي واحد عنده مرسدس شيخ
‎سالم : كنا نتحوط ولا حد يقولنا ااااق
‎حمد : بسسسسس بسسسسس والله لو ترجع هالايام جان حنا بخير
‎حمدان : ليش فديتك جنك الا هب مرتاح الحينه تراك معرس وفاك اروحك من الصدعه
‎حمد :: هههههههههه ،، حشى حساااااد لعنبووو شياطيينكم .. خلاص عقبالكم
‎سالم : عقبال سعود ان شاااء الله
‎سعيد : هيييي هيييه خلوها ع الله يالشباب
‎حمدان : اقول ومدر عنك واتحفنا شويه
‎سعيد : افااا عليييك راااعي قطر ماطلبت شي .. عيوني لك
‎حمدان : تسلم عيونك ماتقصر ..

‎سعيد : سلووم وين انت هاه !!
‎سالم : بس تممم
‎سعيد : كح كح اسمعو


‎وين انت يلي كلما قلت وين انت حتى السؤال يقول وين الاجابه

‎عامين ضايج وانت لليوم مابنت ذي حالتي بين الحزن والكآبه

‎لو شنت في عيون المخاليج ما شنت في عين من حطك سرابه سرابه

‎لولا الغلى ياصاحبي ماتمكنت صدرن من الهجران صاير خرابه

‎عود علي وانا ترياك لاهنت الحال واحد والضروف اتشابه

‎واذا سألت اتحبني قلت لي كنت وانا ابتسم من باب حب الدعابه

‎وان خنتني اعلم ترى مابعد خنت الا معاك لكن خونك ذرابه

‎خنتك معا طيفك بعد ماتيقنت انك علي بعد الثرى والسحابه

‎أكبر خطى محبتك وانت ماصنت حبن يخلده المشيب لشبابه

‎تدري وش الي يغيض الرجل في هوى البنت انه يعيش في واقعن مادرابه

‎واذا سألت اتحبني قلت لي كنت وانا ابتسم من باب حب الدعابه

‎لكن انا وش هو وانا وانت وش انت هذا السؤال الي يبيله اجابه ..
………………..


‎وبعدين راحت شمه تاخذ عباه من كبت فطيم عشان تبا تروح السوق وفطيم راحت عند اخوها عبد الله ودشت حجرته بس ماحصلته وجافت لابه مفتوح وعداله بسكوت اوريوز وهذا عوقها وراحت قعدت حذال االاب .. وعبد الله كان فاتح لاسكايبي والكام بعد ..

‎فطيم : يم يم عبود الدب بعد مايعزو ،، خلني اكل ،، هذا شو قاعد يسوي ع الاب .. لا لا عيب مايخصني

‎وتوها بتقوم سمعت حد يزقرها يقوله فطيم ويوم ردت وقعد حذال الاب تمت ادور ،، بس ماجافت شي اول شي خافت بس بعدين جافت انه الاسكايبي مفتوح .. ويوم فتحته جافت سيف !!!!!!!!!

‎فطيم شهقت ) سيفوووووه
‎سيف ( االدموع في عينه ) انتي شو مسويه في عمرج لي جذا غاديه
‎فطيم :…………..
‎سيف : يوييييييييييييييييلج لوو بس فكرتي
‎فطيم :………………( مارامت تيود صيحتها وو صاحت من خاطرها).. متااااااااااااااا بترررررررررد
‎سيف: يالسبااااااااااله… والله برد برد بس لاتصيحين

‎بعدين فطيم نشت من على لاب وطلعت برى الحجره ودخلت حجرتها وتمت تصيح وشمه كانت هناك فيوم جافتها على طول راحت صوبها ..
‎شمه:اشوووو شوووو فييييج … جييييي التصحيين
‎فطيم : ماشي
‎شمه : ليكون سلووم هزبج
‎فطيم : لا لا
‎شمه : عيل تكلميييي وقفتي قلبي تراج
‎فطيم خبرتها السالفه وصاحت)… والله اشتقت له متااا بيرد وبنملج شوو خاطبني ع الفااضي
‎شمه : اسمنج عيااااااااره .. وتبين ضرب شعنه تصيحين بتخبرج
‎فطيم : شموه يعني شو اسوي والله تعبت اناااا محد يحس فيه
‎شمه : يالله حسستيني تتحرين عمرج عيوز وعندج مشاكل الدنيا انتي المفروض تسانسين بدال ماتصيحين الحينه بالقيله شهرين وبيرجع سالم غانم ان شاااءأ الله ،،
‎فطيم ( ابتسمت ): ان شااء الله ..
‎شمه : يلا ودري عنج الاواته ،، وروحي لبس عباتج تعالي ويايه قوم حصيص مابيون
‎فطيم : جي !!
‎شمه : ماادريبهم .. يبن ضرب
‎فطيم : هههههه انتي كل حد بتتبغينه
‎شمه : شو اسوي تيبولي الجلطه انتو
‎فطيم : انزين ياامه الاربعين انتي انا بسير اتلبس وبغسل ويهي وانتي سير عند عبود قردنيه مابنسير بليا محرم
‎شمه : ياللله الحينه عبوود بيحشرنا مابيخلينا ناخذ راحتنا
‎فطيم : عيل انا هب سايره
‎شمه : اووووفيييه الله بلاني بأخت راسها يااابس .. متا بتعرسين
‎فطيم : عقبالج ان شااء الله
‎شمه : لا لا غناتي انا بعنس طال عمرج
‎فطيم : هييي امررره بنجووف
‎شمه : انزين خلصيني روحي تلبسي
‎فطيم : انزين عموه

‎ويوم ظهرت عنها شمه جافت عمها راشد وحمدان وحمد والكل قاعدين في الصاله ف لبست شيلتها وراحت اتسلم علئ عمها ..

‎راشد : هلا والله هلا هلا … هلا بشيخت البنات .. عاش من جافج يابنتي .. خشمج
‎شمه : اهلين فيك عمووو نورت البييييييييييت ،، والله شحالكم
‎راشد : كلنا بخير طالع عمرج ،، الا اجوفج لابسه عباتج وين معزمه
‎شمه : بنسير انا وفطيم العين مول ابي اخذ لي كم شغله
‎راشد : هي زين زين ..
‎سعيد : منو بيسير وياكن
‎شمه : عبوود
‎سعيد : زين تسون
‎شمه : عيل وين الشيبه
‎راشد : ههههههه ،، والله انتي محد يسلم من اللسانج
‎سالم : ههههههه خلها هاي ،، الشيبه في المطبخ شو تبيبه
‎شمه : سرررررر
‎حمد : شكلج الا تبين فلوووس ادريبكن انتن البنات يالله منكن
‎حمدان : ههههههههههه .. صح اللسانك بووحميد
‎شمه ( قفطت ): برايكم عيلل
‎راشد : ربي يحفضكن بنات اخوي

‎شمه خلاص كاانت شوي وبتموت من الفشيله وخاطفه في المرر وقاعده تضرب خدها .." يويييليييي ع افشيييييله .. ياااوييييلييي ويييلاااااه محلاااااهه " وطلع عبد الله من وراها

‎عبد الله : ايه ايه انتي يالمصريه .. شبلاج تكفخين عمرج
‎شمه : هااه !!.. لاماشي
‎عبدالله : زين … ( توه بيتكلم )
‎شمه : عبووووووودي غناااااتي اخووووويه حبييييبيي
‎عبدالله : المطلوب
‎شمه : بل انزين سايرين في الوضوع
‎عبدالله : مافيه .. قولي شو تبين
‎شمه : بتسير ويانا العين مول بليييييييييييييييييييييييييييييييييييييييييييذ
‎عبدالله : انزين
‎شمه : صدق بتسييييير
‎عبدالله : هيه
‎شمه : اووووه نازل عليك الوحي اليوم
‎عبدالله : ترا ملان بعد شو اسوي ،، ولا تخليني اغير راي
‎شمه : لا لا لا خلاص يلا بسير عند ابويه وبي انته لاتقصر اكشخ واتزقرت
‎عبداللله : لا توصين حريص يالعيوز
‎شمه : شب شب
‎عبدالله : يشبش

‎بعد ماطلعت من عنده راحت عند ابوها في المطبخ كان قاعد يعابل الذبايح ..

‎شمه : هلا واللللله بشييييييييييييخ الــ ******
‎بوحميد : اهلييين وسهليييين
‎شمه : شحالك ابويه عساك طيب
‎بوحميد : والله بخير بس هب العصر سألتني هسؤال شو وراج
‎شمه : يااااهي بلششششه
‎بوحميد : تكلمي شميم
‎شمه : فديتك ابويه ابي شويت هااه بيزات
‎بوحميد : كم تبين ؟؟
‎شمه : بس 1000درهم
‎بوحميد : انتي تتحريني قاعد على بنك ،، وبعدين انا الشهر الي طاف مقبضنج 2000
‎شمه : ابويه غتااااني انته .. يعني انا الحينه بنت جامعيه لازم اتكشخ لازم اصرف على روحي ،، ولا تبا البنات كلهن يتكشخن ويتعدلن الا انا
‎بوحميد : وصوغت سويسرا وين وديتييهن
‎شمه : افااا عليك موجودات في الحفظ والصون بس لازم يعني كل 3 شهور ولا شهرين ستايل يديد ولا تباني احج ثيابي حج
‎بوحميد : عيل عباتج هذايج عادي صح
‎شمه : ( حطت ايدها على قلبها ) اااه يااابوويه لاتغمضني اروحي مقهوره
‎بوحميد : جي شبالها ،، ليكون احترقت !!
‎شمه برطمت ) هييييييييييييه .. اهئ اهئ بثييييييح
‎بوحميد : هههههههههههههههههه
‎شمه : شبييييتنا لا تضحك عليه
‎بوحميد : انا الشيبه يالعيوز
‎شمه : انتو مسميني على يدوه خلاص عيل المفروض كل اوامري مطاعه
‎بوحميد: الله يبليييج بريل شروات شحفان القطو
‎شمه: يهبي والله
‎بوحميد : ههههههه انتي الله يعين ريلج عليج والله
‎شمه : اصلا يحمد ربه يحصل وحده شرواي
‎بوحميد : ههههههه انزين روحي يبي البوك عشان اعطيج بيزات
‎شمه : فديت باباتي
‎بوحميد : افداج بتحصلينه في الخيمه
‎شمه : اوك
‎ اول مادخلت شمه الخيمه ، والخيمه كانت ظلام الايتات مبندات وهي من النوع الي مايخاف , كانت قاعده تغني وطربانه وبعدين سارت عند بوك ابوها .. اول ماوصلت انتبهت انه حد كان واقف ومن لقافتها الحبيبه لفت ،، واول مالفت جان تصارخ

‎شمه : اااااااااه
‎حمدان ( تقرب منها وبند حلجها ) : اشششششش … شفيج انتي تبين تفضحينا
‎شمه قققفطه ) والله والله ماكان قصدي تحريتك يني
‎حمدان : هههههههه .. لا بالله ماهقيتها منس .. انا تتحريني يني شنو شايفه شعري كذا ( وماسك شعره وقاعد يرفعه على فوق )
‎شمه : هههههههه ..
‎حمدان : ههههههه .. وبعدين شنو الي جابج هنا في الظلام لوحدس ؟؟
‎شمه : هاه ! لا لا ابد كنت جايه اخذ محفضت الوالد ( تقلده بالقطري )
‎حمدان : يالبى ذا المنطوق والله ..
‎شمه : حمدان عاد يلا قوم خلني اروح لا يجي اخوي ويعلم علينا
‎حمدان : هههههه طيب خلي بلاس من نفس وتغشي
‎شمه : شنو شنو اتغشى ؟؟ ليه ان شااء الله
‎حمدان : اسوفس والله .. اذبحك فاهمه
‎شمه ( تضايقت ): نسيت انه في ضيق تنفس ،، والله ودي بس ابد مااقدر
‎حمدان : يالبيه نسيت والله سامحيني الغاليه
‎شمه : لا عادي ،، حصل خير ..
‎حمدان : منتي زعلانه مني يالغلا؟
‎شمه : ماازعل انا …
‎حمدان: اكيد منتي زعلانه؟
‎شمه: ايه هب زعلانه
‎حمدان: (تقرب منها وهي تبتعد وماسك في ايده ورده كان شالنها من زمان بس شمه ماكانت منتبه الانه ظلام )
‎حمدان: صج ؟
‎شمه: صج .. وخر لاتقرب
‎حمدان: طيب ماراح اكلك انا بس بعطيك ورده
‎شمه: اي ورده ؟
‎حمدان: هااآج ..
‎شمه(قفطت): لا ماله داعي
‎حمدان: افا ترديني
‎شمه: هههه خلاص (وشلتها )مشكـــ….
‎حمدان (قاطعها): طيب احــــــــبــــجــ
‎شمه(فجت عينها وحلجها من الصدمه وتمت متصنمه): ………………
‎حمدان(استحى) : انا اسف بس احبج …… هالله هالله بنفسج ……………………. ياقلبي ( وبعدين طلع من الخيمه )

‎وخله شمه مصدومه بروحها في الخيمه ماتعرف شو تسوي وهي في نفس الوضيعه ماتغيرت .. بعد ثواني تمت تصفع عمرها تبي تتأكد اذا الي سمعتها صدق او لا .. تحس انها في حلم هب حقيقه ..

‎شمه " يااااوييليي ويييييلااااه .. هذا اكيد حلم لا لا مستحيل هذا يصير لي انا صح اعرف انه يحبني بنظراته واسلوبه وتعامله وتصرفه وكل شي بس ماكنت اتوقع انه راح ايي يوم ويقولي ايااها … لاااا وبعد معطني ورددده … اااااااخ ياااقلبي بمووووووووت انا اليوووم "( وانسدحت على الكنبه ) وبعد شوي تسمع ابوها يزقرها )

‎بوحميد : شمووووووووه .. شمييم … شمااامي
‎شمه : يااولي ابويه (وطلعت تركض وحطت الورده في مخباتها )
‎بوحيد: وينج انتي تأخرتي
‎شمه: هاه!.. لا بس كان ظلام وكنت ادور
‎بوحميد: اها .. انزين فديتج كم تبين ؟؟
‎شمه: امممممم تراني قلت لك
‎بوحميد: ههههههههه اندوج هاي 2000 ,, الف انتي والف فطيم
‎شمه: ان شاء الله
‎بوحميد: لاتتأخرون انزين
‎شمه: انزين .. ابويه انت ماتبا شي
‎بوحميد : لا علني افداج ابغي سلامتك
‎شمه: الله يسلمك

‎وبعدين حدرت داخل وعطت فطيم ال الالف وشلو شنطهم وراحو وركبو السياره بس قبل كل هذا سارت شمه ويابت كوب فيه ماي وحطت الورده داخله وشمتها كانت رحتها كلها دهن عووود الانه حمدان من النوع الي يموت في الدهن عود شرات شمه ^^ ،، وحطتها في الكبت عسب محد يشوفها .. المهم بعد ماركبو السياره راحو العين مول .. وطبعا راسهم دار من كثر مايدورون باركن لين ماحصلو واحد عدال الباوبه طبعا عبد الله افتك الانه هياز مايبا يمشي .. اول مادشو ماكان شي وايد زحمه بعدين راحو القسم اليديد وشمه خلت H and M ,اخر محل تتدخله الانها تعرف انها بتخري فلوسها كلها عليه,, فأول محل راحته هو مال العود الي يكون في اول القسم اليديد طبعا تخبلت ،، بس قبل لاتتدخل …..

‎شمه: يلا عبود طلع لسانك
‎فطيم: الله لابليتنا .. عندج مندوس كامل كم تبين ؟
‎شمه: انتي اوص
‎عبدالله : لا لا لا ماشي وبعدين صدقها كم دهن عود تبين ؟
‎شمه: يلا عبودي حبيبي اخويه العزيز ،، لاتكسر بخاطري الله يخليج بس نص توله مابا وااايد
‎عبدالله : ماشي ماشي ماشي
‎شمه: حرام عليك والله فوااااادي فيه عموه شويخ ذاك اليوم كانت حاطه منه والله ابييييييييه اهاااااء
‎عبدالله : بس بس فضحتينا .. علني بلاج
‎شمه: (ابتسمت ابتسامت النصر) نهاهاهاي ..
‎عبدالله: اصطلبي
‎شمه: ان شاء الله ..
‎فطيم.:ههههه والله انج فلم تعرفين ولا لا
‎شمه: شب يلا شب .. وصح ذكريني يوم اوصل البيت اخبرج شي ختييييييييييييييييييير
‎فطيم: شو مسويه
‎شمه: يالله يوم بنرد بخبرج الحينه مافيه انفضح
‎فطيم: الله يستر
‎شمه: ااخ ياقلبي
‎عبدالله : عن المياعه ويلا طوفن
‎شمه وفطيم : ان شاء الله

‎اول مادخلو المحل كانت في وحده وريلها وبنتها الحرمه كانت متغشيه ومعطتنهم ظهرها والريال بعد اما البنت كانت يالسه في القاري وفطيم على طول عرفتها ..

‎فطيم:لطووووووووووووووووووووفي عمري
‎عبدالله : شفيج ،، (توه ينتبه ) لطوووف غناااتي

‎وبعدي لفت الحرمه والريال ،، وراحو الثلاثه عندهم
‎شمه: هلا والله هلا بالرويض القاطعه
‎روضه: لا لا مااصدق عيني .. شموه وفطيم وعبود من وين طالعه الشمس اليوم
‎عبدالله : خل خل عنج .. نسيتينا من عرستي …. شحالك حميد ؟
‎حميد : ههههه ،، والله انا بخير بشوفتكم يل الغاليين وحشوتنا
‎فطيم : وانتوووووووو اكثثثثثثر والله ( وراحت باست لطوف وروضه وشلت لطوف من على القاري )
‎شمه : وينج يااختي ماتسألين عنا ..
‎عبدالله : هيه لا تسألين ولاتقولين عندي اخوان بتخبر عنهم .. ولا نسيتي ايام الحاره ياسيلانيه
‎روضه : هههههههههه .. يالهرررم .. حميدووه جوف بوكرشه
‎حميد : ههههههههه .. عبود
‎عبدالله : هلا
‎حميد : طلع طلع فضايحها خلني ادبها يوم ماتسمع الرمسه
‎عبدالله : افا علييييك انته بس تعال بيتنا بس يوم واحد
‎شمه : تعال وانا عبود الشله الباقيه مابنقصر شو
‎روضه : لا والله .. والله ياتنذبحون
‎فطيم : افا عليج شو تتحرين اختنا عالفاضي
‎روضه : لا بويه لاختكم ولااعرفكم اللمّره
‎عبدلله : يالوتيه ،،تراج اختنا بالرضاعه ياذكيه ،، يعني انتي توؤمي الي مايبته امي
‎حميد : هههههههههه ،، هي صدقهم


‎بعد كل هالسوالف الي لو قعدو من اليوم لين باجر مابتخلص ،، راحت شمه وروضه وعبدالله خذو دهن عود وياهم عطر وكاسروه الين ماقال يريتهم مادخلو محلي " هيهيهيهيهي " .. طلعو من المحل وراحو رباعه تمو يتحوطون ويسولفون في نفس الوقت ،، بعدين راحن البنات محل اش اند ام والشباب راحو يترينهم في استار بوكس وبعد ماخلصو راحو يوقر بيري وطبعا فطيم ماتقصر شاله كيمرتها كل مكان " توثيق " لكل شي ،،وخذن بعد منكير من الكشك الي عداله ،، بعد هذا كله عزم عبدالله نسيبه وروضه عندهم يوم الجمعه الياي عشان يردون ايام اول ووافقو ،، وبعدين يوم راحو وركبو السياره ..

‎فطيم : انااااااااا يوعااااااااااااااانه
‎شمه : وانااااااااااا اكثرررررررررر
‎عبدالله : واناااااااااااا بدوووسكن .. ماشي عشى امايه مسويه عشى فالبيت حق منوه
‎شمه : حق منو يعني حقكم انتو تعبون كروشكم
‎عبدالله : ماعليه يالمسودته الويه انتي
‎شمه : ههههههههه اسفه اسفه
‎عبدالله : لا ماشي زعلت
‎شمه : كلههه ولا عبووودي حبيييييبيييي .. ( وقربت صوب خده وباسته )

‎ هني عبدالله صدق قفط هو من النوع الي يستحي من هالاشيا حتا اذا كانت امه وشمه تعرف فعشان مايعصب شغلت الاف ام وكانو حاطين غنيه مايمي " ياعمري انا " وكلهم ارتبشو عليها وتمو يغنون وعبدالله مطول اخر شي لين ماهزبته فطيم … اول ماوصلو البيت دشو الصاله وكان العشى جاهز وقعدو الكل وتعشى وهم يتعشون عبدالله وشمه وفطيم خبروهم انهم جاو روضه وريلها وعزموهم الكل استانس ومتحمس ليوم الجمعه … بعدين راحن البنات الحجره واول مادشن شمه نقزت حذال فطيم ..

‎شمه : ( تشهق ) ماااقلتلللللللج
‎فطيم : ذليتي ابوي على السالفتج هاي من دشينا المول لين ماطلعنا
‎شمه : خلاص برايج ماتبين تعرفين
‎فطيم : لا لا خلاص قولي ..

‎بعد ماخبرتها السالفه فطيم انصدمت وتمت تغلس عليها وشمه روتها الورده .. ومن حشرتهم سعيد هزبهن وراحن يرقدن ..
‎شمه : يعلني بلاج فضحتينا
‎فطيم : ارقدي ارقدي .. دواج بارجر انتي
‎شمه : ههههههههه،، انزين تصبحين ع خير

. . . . .

آتمنّــى تعــججبككم آلرْوآآيه ^^بْــيسْ آآآوْتٌــ ..